چنئی اور کولکتہ کے درمیان ہو گا برابری کا میچ
چنئی۔ (یو این آئی )انڈین پریمیئر لیگ کی دو ٹاپ ٹیموں گزشتہ چمپئن چنئی سپر کنگ اور کولکاتا نائٹ رائڈرس منگل کو ایم اے چدمبرم اسٹیڈیم میں ایک دوسرے کو برابری کی ٹکر دینے اتریں گی۔دونوں ہی ٹیموں کی اب تک ٹورنامنٹ میں کارکردگی تسلی بخش رہی ہے ، تین بار کی چمپئن چنئی نے پانچ میچوں میں چار جیتے ہیں اور ایک میچ ہارا ہے جس کے بعد وہ 8 پوائنٹس کے ساتھ دوسرے نمبر پر ہے جبکہ کولکتہ پانچ میچوں میں چار جیت اور ایک شکست کے بعد آٹھ پوائنٹس اور بہتر رن ریٹ کی بدولت ٹاپ پر ہے ۔مہندر سنگھ دھونی کی ٹیم اپنے گھریلو میدان اور حالات کا فائدہ اٹھا کر سب سے اوپر پہنچنے کی کوشش کرے گی جبکہ کے کے آر کی کوشش کامیاب تال برقرار رکھتے ہوئے ٹیبل میں سب سے اوپر رہنے کی ہوگی۔ چنئی نے اپنا پچھلا اپنے گھریلو میدان پر کنگز الیون پنجاب سے 22 رنز سے جیتا تھا جبکہ کے کے آر نے گزشتہ میچ میں راجستھان رائلس کو اسی کے میدان پر آٹھ وکٹ سے شکست دی تھی۔وکٹ کیپر دنیش کارتک اور دھونی کی ٹیموں کے درمیان برابری کے مقابلے کی توقع کی جا رہی ہے کیونکہ دونوں ٹیموں کے پاس کمال کا کمبی نیشن ہے ۔ مخالف ٹیم کے میدان پر جیت درج کرنے کے بعد بلند اعتماد کے ساتھ کے کے آر کی ٹیم چنئی کے میدان پر اترے گی۔ گزشتہ میچ میں اس کے گیند بازوں نے راجستھان کو صرف 139 رن کے ذاتی اسکور پر روکنے کا جذبہ دکھایا تھا۔ پیوش چاولہ اور سنیل نارائن کی گیند بازی کافی کفایتی رہی جبکہ درمیانہ فاسٹ بولر ھینري گرني نے 25 رن دے کر دو وکٹ نکالے ۔کولکتہ کے پاس چائنامین بولر کلدیپ یادو کے طور پر بھی بہترین اسپنر ہے جبکہ پرسدھ کرشنا بھی مفید بولر ہیں۔ لیکن کے کے آر کے سب سرکردہ کھلاڑی آندرے رسل ہیں ۔ کیریبین آل راؤنڈر ٹیم کے سب سے زیادہ کامیاب کھلاڑیوں میں ہیں جو کفایتی رن ریٹ کے ساتھ پانچ وکٹ لے کر اب تک سب سے زیادہ کامیاب بولر ہیں وہیں بلے بازوں میں بھی رسل پانچ میچوں میں 207 رنز بنا کر ٹاپ اسکورر ہیں۔کے کے آر کے پاس مفید بلے بازوں میں رابن اتھپا دوسرے ٹاپ اسکورر ہیں جنہوں نے اب تک 172 رن بنائے ہیں جبکہ نتیش رانا (169) تیسرے سب سے زیادہ کامیاب بلے باز ہیں۔ اس کے بعد اوپنر کرس لن بھی کمال کے کھلاڑی ہیں جنہوں نے جے پور میں 50 رن کی نصف سنچری اننگز کھیلی تھی۔ ٹیم کے پراسرار اسپنر سنیل نارائن بھی اوپننگ آرڈر میں مفید اسکورر ہیں جنہوں نے 47 رنز بنا کر ٹیم کی جیت میں اہم کردار ادا کیا تھا۔زبردست بلے بازی اور گیند بازی آرڈر کی بدولت کولکتہ نے اب تک میچوں میں آل راؤنڈ کھیل کا مظاہرہ کیا ہے جس سے وہ سب سے اوپر ہے لیکن اس کی اگلی ٹکر گزشتہ چمپئن دھونی کی ٹیم سے ہے جسے اسی کے میدان پر ہرانا آسان نہیں ہوگا۔ چنئی اپنے ایم اے چدمبرم میدان پر اب تک بنگلور کو سات وکٹ، راجستھان کو آٹھ رن اور پنجاب کو 22 رنز سے ہرا چکی ہے اور اپنے میدان پر کے کے آر کے خلاف بھی وہ ہار نہ کھانے کا سلسلہ برقرار رکھنا چاہے گی۔تین بار کی چمپئن چنئی کے جیت کی وجہ بھی اس کا ہر شعبہ میں مضبوط کارکردگی ہے ۔ ٹیم کے بلے باز مہندر سنگھ دھونی (156 رن) گزشتہ پانچ میچوں میں بلے سے کمال کی فارم دکھا چکے ہیں اور ٹیم کے ٹاپ اسکورر بھی ہیں۔ آئندہ آئی سی سی ورلڈ کپ میں ان کی افادیت پر جہاں سوال اٹھ رہے تھے وہیں اپنے موجودہ کارکردگی سے انہوں نے ثابت کر دیا ہے کہ وہ 36 سال کی عمر میں بھی کمال کے کھلاڑی ہیں۔ کیدار جادھو، سریش رینا، شین واٹسن، فاف ڈو پلیسس بھی ٹیم کے اہم اسکورر ہیں۔گیند بازوں میں عمران طاہر پانچ میچوں میں پانچ کے اکونومي ریٹ سے سات وکٹ لے کر سب سے کامیاب بولر ہیں۔ ان کے بعد ڈیون براوو (سات وکٹ)، آف اسپنر ہربھجن سنگھ اور آل راؤنڈر رویندر جڈیجہ ہیں۔ وہیں دیپک چاھر نے بھی بولنگ میں متاثر کیا ہے اور کے کے آر کے خلاف یہ کھلاڑی ایک بار پھر اہم ہوں گے ۔