فرانس لڑاکا طیارے اور ہیلی کاپٹر کے انجن وآبدوزیں بنانے میں تعاون کرے گا

اپنی اسٹریٹجک شراکت داری کی 25 ویں سالگرہ کے موقع پر ہندوستان اور فرانس نے اپنے دوطرفہ دفاعی تعاون کوبلندی پر لے جانے کاعزم کیا

پیرس۔ (یو این آئی) اپنی اسٹریٹجک شراکت داری کی 25 ویں سالگرہ کے موقع پر ہندوستان اور فرانس نے اپنے دوطرفہ دفاعی تعاون کو بے مثال بلندی پر لے جاتے ہوئے لڑاکا جیٹ انجن، اسکارپین آبدوز اور ہیوی لفٹ ہیلی کاپٹر انجنوں کی ترقی اور مشترکہ پیداوار کے معاہدوں پر دستخط کیے ہیں۔ اس کے ساتھ طویل مدتی دفاعی صنعتی تعاون کے روڈ میپ کا اعلان کیا گیا ہے۔

وزیر اعظم نریندر مودی کے فرانس کے تاریخی دورے کے اختتام پر دونوں ممالک کے درمیان اسٹریٹجک شراکت داری کو اگلے 25 سالوں تک بڑھانے کے روڈ میپ "شتج 2047: ہندوستان-فرانس اسٹریٹجک پارٹنرشپ کی 25 ویں سالگرہ، ہندوستان-فرانس تعلقات کی ایک صدی کی طرف” میں یہ اعلان کیا گیا۔ اس مشترکہ دستاویز میں کہا گیا ہے کہ ہند-فرانس شراکت داری کی 25 ویں سالگرہ کے موقع پر دونوں ممالک نے 2047 تک دوطرفہ تعلقات کی سمت کا تعین کرنے کے لیے ایک روڈ میپ اپنانے پر اتفاق کیا، جو کہ ہندوستان کی آزادی کی صدی، دونوں ممالک کے درمیان سفارتی تعلقات کی صدی اور اسٹریٹجک شراکت داری کا گولڈن جوبلی سال کا جشن منائے گا۔
ہندوستان اور فرانس بین الاقوامی امن اور استحکام کے مفاد میں مل کر کام کرنے کا ارادہ رکھتے ہیں اور ہند-بحرالکاہل اور اس سے باہر کے قوانین پر مبنی آرڈر کے لیے اپنی وابستگی کی تصدیق کرتے ہیں۔وہ اپنے اپنے متعلقہ خود مختار اور اسٹریٹجک مفادات کے مطابق مساوی لوگوں کے درمیان شراکت داری کے فریم ورک کے اندر کام کرنے پر اتفاق کرتے ہیں، جیسا کہ انہوں نے 1998 سے کیا ہے۔
مشترکہ دستاویز میں ‘سیکورٹی اور خودمختاری کے لیے شراکت: خودمختار دفاعی صلاحیتوں کی مشترکہ تعمیرکے موضوع کے تحت اسٹریٹجک تعاون کا خاکہ پیش کیا گیا ہے۔ دستاویز میں کہا گیا ہے، "فرانس ہندوستان میں ایک خود مختار دفاعی صنعتی اور تکنیکی بنیاد تیار کرنے میں ہندوستان کے کلیدی شراکت داروں میں سے ایک ہے۔ ہندوستان اور فرانس تیسرے ممالک کے فائدے کے ساتھ جدید دفاعی ٹکنالوجی کی مشترکہ ترقی اور مشترکہ پیداوار میں تعاون کرنے کا عہد کرتے ہیں۔
مشترکہ دستاویز میں ‘سیکورٹی اور خودمختاری کے لیے شراکت: خودمختار دفاعی صلاحیتوں کی مشترکہ تعمیر کے موضوع کے تحت اسٹریٹجک تعاون کا خاکہ پیش کیا گیا ہے۔ دستاویز میں کہا گیا ہے، "فرانس ہندوستان میں ایک خود مختار دفاعی صنعتی اور تکنیکی بنیاد تیار کرنے میں ہندوستان کے کلیدی شراکت داروں میں سے ایک ہے۔ ہندوستان اور فرانس تیسرے ممالک کے فائدے کے ساتھ جدید دفاعی ٹکنالوجی کی مشترکہ ترقی اور مشترکہ پیداوار میں تعاون کرنے کا عہد کرتے ہیں۔
دستاویز میں دہشت گردی کے مسئلہ پر تعاون کا اعلان کرتے ہوئے کہا گیا کہ ہندوستان اور فرانس دہشت گردی کے خلاف جنگ میں ہمیشہ ایک دوسرے کے ساتھ کھڑے رہے ہیں۔ وہ ابھرتے ہوئے خطرات سے نمٹنے کے لیے تمام پہلوؤں پر تعاون کو مضبوط کریں گے۔ اس میں دہشت گردی کے خلاف کسی بھی کارروائی میں تعاون، کثیرالجہتی کارروائی میں شرکت، آن لائن بنیاد پرستی کا مقابلہ کرنا اور دہشت گردی کی مالی معاونت کو روکنا شامل ہوگا۔ اس کے لئے خاص طورپر نو منی فار ٹیرر (این ایم ایف ٹی) پہل اور آن لائن دہشت گردی اور تشدد آمیز مواد کو ختم کرنے لئے کرائسٹ چرچ کال ٹو ایکشن پر زور دیا جائے گا۔
دستاویز میں کہا گیا ہے کہ ہندوستان اور فرانس داخلی سلامتی اور بین الاقوامی منظم جرائم بشمول انسانی اسمگلنگ، مالیاتی جرائم اور ماحولیاتی جرائم کے خلاف لڑائی میں اپنے تعاون کو گہرا کررہے ہیں۔ وہ انسداد دہشت گردی کے میدان میں تعاون کے لیے ہندوستان اور فرانس کے درمیان خط کے ذریعے ہندوستان کے نیشنل سیکورٹی گارڈ (این ایس جی) اور فرانس کے گروپ دی انٹروینشن ڈی لا زینڈرمیری نیشنل (جی آئی جی این) کے درمیان تعاون کو باضابطہ بنانے کی سمت میں کام کا خیرمقدم کریں گے۔