Kaumikhabrein.com

ہندی خبریں، ہندی میں تازہ ترین خبریں بریکنگ نیوز اور تازہ ترین ہیڈ لائن

Saharanpur: Congress General Secretary Priyanka Gandhi Vadra during an election campaign roadshow in support of the party candidates, in Saharanpur, Tuesday, April 9, 2019. (PTI Photo) (PTI4_9_2019_000093B)

سہارنپور اور بجنور میں پرینکا گاندھی کا روڈ شو

کانگریسی امیدواروں کے حق میں ووٹ کی اپیل

سہارنپور: کانگریس جنرل سکریٹری پرینکا گاندھی واڈرا نے منگل کو سہارنپور اور بجنور میں روڈ شو کر کے عوام سے پارٹی امیدواروں کے حق میں ووٹ ڈالنے کی اپیل کی۔کانگریس جنرل سکریٹری نے پہلے بجنور میں کانگریس لیڈر و سابق بی ایس پی ایم ایل اے نسیم الدین صدیقی کے ساتھ روڈ شو کیا۔ پرینکا نے ہاتھ ہلا کر روڈ کے کنارے کھڑے پارٹی کارکنوں و حامیوں کے استقبال کا جواب دیا اور اپنے مسکراتے چہرے سے امیدوار کے حق میں ووٹنگ کرنے کی اپیل کی۔
روڈ شو کے دوران بی جے پی اور کانگریس کارکنان میں آپسی ٹکراؤ بھی نظر آیا، کچھ بی جے پی کارکنوں نے اس وقت مودی مودی کے نعرے لگائے اور پارٹی کے پرچم لہرائے جب کانگریس کارکن ’چوکیدار چور ‘ہے کہ نعرے لگا رہے تھے۔ لیکن پولس کی فوری مداخلت نے حالات کو بے قابو ہونے سے بچا لیا۔ پولس نے ان دکانوں کو زبردستی بند کرا دیا جن کے مالکان پر بی جے پی حامی ہونے کا شک تھا۔ بجنور میں پرینکا کا روڈ شو پر امن طریقے سے اختتام پذیر ہوا اس درمیان کانگریس کے حامیوں نے اپنے لیڈر پر پھولوں کی بارش کی۔
بجنور کے بعد پرینکا سہارنپور پہنچیں، جہاں پر انہوں نے پارٹی امیدوار عمران مسعود کے حق میں روڈ شو کیا۔ سہارنپور میں کانگریس جنرل سکریٹری کے روڈ شو کا آغاز گول کوٹھی سے ہوا اور دو کلومیٹر کی مسافت طے کرنے کے بعد قطب شیر پر اختتام پذیر ہوا۔ دہلی روانہ ہونے سے قبل کانگریس جنرل سکریٹری کیرانہ میں بھی ایک روڈ شو کرسکتی ہیں۔ روڈ شو سے پہلے پرینکا وہاں ایک استقبالیہ پروگرام میں شرکت کریں گی۔ملحوظ رہے کہ پیرکو راہل گاندھی، پرینکا گاندھی اور جیوترادتیہ سندھیا کی سہارنپو، بجنور اور کیرانہ میں مشترکہ ریلی ہوئی تھی لیکن خراب موسم کے وجہ سے ان ریلیوں کو منسوخ کردیا گیا تھا۔

 

http://ووو۔کائمیکھابرعین۔چہم