بی جے پی کا کوئی بھی ہتھکنڈہ کارگر نہیں ہوگا : مایاوتی

اعظم خان کی حمایت میں اتحاد کی مشترکہ ریلی

اس موقع پر ایس پی سربراہ اکھلیش یادو نے کہا کہ کبھی چائے والا تو کبھی چوکیدار بن کر ملک کی عوام کو ورغلانے والے مسٹر مودی کے جھوٹ سے عوام آگاہ ہوچکے ہیں اور اس انتخاب میں انہیں کراری شکست دینے کے لئے بے چین ہیں۔بی جے پی حکومتوں نے سماج کے غریب،استحصال زدہ کسان، اور اقلیتوں کا استحصال کیا ہے۔ نوٹ بندی کے ذریعہ انہیں قطار میں کھڑا کردیا گیا۔ عوام اب انہیں’’ووٹ بندی‘‘ کا راستہ دکھا کر بے دخل کردیں گے۔