انتخابی منشور سے قبل بی جے پی تھیم سانگ جاری

پارٹی نے ’پھر ایک بار مودی سرکار‘ کا نعرہ بھی دیا

نئی دہلی۔ انتخابی منشور جاری کرنے سے قبل بی جے پی نے آج اپنا تھیم سانگ جاری کر دیا۔ بی جے پی نے اپنا انتخابی منشور جاری کرنے سے ایک روز قبل آج اپنا تھیم سانگ بھی جاری کر دیا۔ پارٹی کی جانب سے ’ایک بار پھر مودی سرکار ‘کا نعرہ بھی دیا گیا۔

آج یہاں پارٹی کا تھیم سانگ جاری کرتے ہوئے وزیر خزانہ ارون جیٹلی نے کہا کہ پارٹی اس مرتبہ تین تھیموں ’ کام کرنکے والی سرکرا‘ ، ’ ایماندار سرکار‘ ، اور بڑے فیصلہ لینے والی سرکار‘ کو انتخابی مہم میں استعمال کرے گی۔
جیٹلی نے اس موقع پر کہا کہ ہم نے مہنگائی پر قابو کیا۔ لوگوں تک حکومت کے کاموں کو پہنچایا جائے گا۔ عام آدمی کی زندگی کو آسان بنایا جائے گا۔

حزب اختلاف، مہا ملاوٹ کی سرکار چاہتا ہے۔ انہوںنے پریس کانفرنس کے دوران پارٹی کے چند اشتہار دکھائے اور تھیم سانگ بھی جاری کیا۔
بی جے پی کا انتخابی منشور کل جاری ہونے کی امید ہے۔ پارٹی اسکے ساتھ گذشتہ پانچ برسوں کے کارکردگی کی رپورٹ بھی پیش کر سکتی ہے۔

2019 کے پارلیمنٹ انتخابات کے لئے بی جے پی اپنے عہد نامے میں قومی تحفظ، کسان کلیان، نوجوان اور خواتین کی مضبوطی پر خصوصی زور دے گی۔ ذرائع کے مطابق کسانوں کی بہتری کے لئے بی جے پی کو لوگوں سے بڑی تعداد میں مشورے موصول ہوئے ہیں۔

http://www.kaumikhabrein.com