ہندوستانی انڈر 17 خواتین ٹیم کا 7 جون سے تیاری کیمپ شروع

نئی دہلی۔ْ (یو این آئی) 33 رکنی ہندوستانی فٹ بال ٹیم 7 جولائی سے اندور میں اس سال ستمبر میں منعقد ہونے والے اے ایف سی انڈر 17 خواتین کے ایشیائی کپ کوالیفائر کے دوسرے راؤنڈ کے لیے اپنا تیاری کیمپ شروع کرے گی۔ آل انڈیا فٹ بال فیڈریشن (اے آئی ایف ایف) نے منگل کو یہ اطلاع دی۔کوچ پریا پی وی کی قیادت میں ہندوستانی ٹیم اپریل میں کرغز جمہوریہ میں کوالیفائر کے پہلے راؤنڈ میں گروپ ایف میں سرفہرست رہی تھی۔

ہندوستانی لڑکیوں نے میزبان ٹیم کو 1-0 اور میانمار کو 2-1 سے ہرا کر دوسرے راؤنڈ کے لیے کوالیفائی کیا۔ہندوستان کو ٹورنمنٹ کے دوسرے راؤنڈ کے لیے گروپ اے میں جمہوریہ کوریا، تھائی لینڈ اور ایران کے ساتھ رکھا گیا ہے ۔ ایشین فٹ بال کنفیڈریشن (اے ایف سی) نے ابھی مقام کی تصدیق نہیں کی ہے ۔ کوالیفائر میں سے سرفہرست دو ٹیمیں اپریل 2024 میں انڈونیشیا میں ہونے والے اہم ٹورنامنٹ میں حصہ لیں گی۔تیاری کیمپ کے لیے ہندوستانی اسکواڈ: انیشا اوراوں، خوشی کماری، کھمبی چانو سارنگتھم، لنتھونگنبی چانو تھونگرام، شریا شرما، خوشی، حنا خاتون، وششٹ بارا، تھوبیسانا چانو تھوئیجام، اکھیلا راجن، تھوئی تھوئی دیوی ، آریہ انیل کمار، سونیبیا دیوی اروم، للیتا بوپائی، مینکا دیوی لاریمبم، جوہی سنگھ، ببیتا کماری، شویتا رانی، شیلجی شاجی، شیوانی ٹوپو، سبنی دیوی نونگمیکاپم، سنڈی ریمرتپوئی، کالونی، ریمی تھوکچوم، پوجا ، کاجل کماری، شولنجنا راول،نشیما کماری، شولینا ڈانگ، سرجیدہ خاتون، مونیشا سنگھ، پریا چھتری، انیتا ڈنگ ڈونگ اور خوشبو کاشیرام سروج