پوار نے صدر کے عہدے سے استعفیٰ واپس لے لیا

ممبئی۔(یو این آئی) نیشنلسٹ کانگریس پارٹی (این سی پی) کے سربراہ شرد پوار نے پارٹی کی درخواست پر صدر کے عہدے سے استعفیٰ دینے کا اعلان جمعہ کو واپس لے لیا۔مسٹر پوار نے اپنے استعفیٰ واپس لینے کا اعلان اس وقت کیا جب پارٹی کی اعلیٰ اختیاراتی کمیٹی نے ان کا استعفیٰ مسترد کر دیا اور انہیں جاری رکھنے پر زور دیا۔ انہوں نے نامہ نگاروں کو بتایا کہ پارٹی کارکنان چاہتے ہیں کہ میں اپنے فیصلے پر نظر ثانی کروں۔قبل ازیں، این سی پی کے نائب صدر پرفل ایم پٹیل نے یہاں نامہ نگاروں کو بتایا کہ پارٹی نے آج قومی صدر شرد پوار کے استعفیٰ کو متفقہ طور پر مسترد کر دیا ہے اور ان سے عہدے پر برقرار رہنے کی درخواست کی ہے ۔

انہوں نے بتایا کہ مسٹر پوار کی طرف سے اپنے جانشین کے انتخاب کے لیے تشکیل دی گئی کمیٹی کی میٹنگ آج منعقد ہوئی۔ اسی میں پارٹی صدر کا استعفیٰ مسترد کرتے ہوئے انہیں عہدے پر برقرار رکھنے کی درخواست کرنے کا فیصلہ کیا گیا۔مسٹر پوار نے مسٹر پٹیل کو اس کمیٹی کا کنوینر بنایا تھا۔ مسٹر پٹیل نے نامہ نگاروں کو بتایا کہ کمیٹی نے آج دو فیصلے کئے ، پہلا مسٹر پوار کا استعفیٰ مسترد کرنا اور دوسرا ان سے پارٹی صدر کے طور پر جاری رہنے کی درخواست کرنا۔ ان فیصلوں سے مسٹر پوار کو آگاہ کیا جائے گا، جو اس پر حتمی فیصلہ کریں گے ۔کمیٹی نے کہا ہے کہ وہ مسٹر پوار کے متبادل کو بطور چیئرمین منتخب کرنے سے قاصر رہی ہے اور ان سے درخواست کی ہے کہ وہ اپنی مدت پوری ہونے تک کام جاری رکھیں۔ انہوں نے کہا کہ کمیٹی کا ہر رکن اس سے متفق ہے اور پارٹی کے سینئر لیڈر پوار سے ملاقات کریں گے اور انہیں کمیٹی کے فیصلے سے آگاہ کریں گے ۔ 2 مئی کو، مسٹر پوار نے ممبئی میں ‘لوک ماجھے سنگتی کے آغاز کے موقع پر استعفیٰ دینے کا اعلان کرکے کارکنوں کو حیران کردیا۔