4 مارچ, 2026

Kaumikhabrein.com

ہندی خبریں، ہندی میں تازہ ترین خبریں بریکنگ نیوز اور تازہ ترین ہیڈ لائن

Indian Wells : Dominic Thiem, of Austria, poses with his trophy after defeating Roger Federer, of Switzerland, in the men's final at the BNP Paribas Open tennis tournament Sunday, March 17, 2019, in Indian Wells, Calif. Thiem won 3-6, 6-3, 7-5. AP/PTI(AP3_18_2019_000006B)

فیڈرر کو شکست تھیم بنے انڈین ویلز چمپئن

edit.kkb 18 مارچ, 2019
واشنگٹن، 18 مارچ (یو این آئی ) آسٹریا کے ڈومنیکن تھیم نے سوئس ماسٹر راجر فیڈرر کو ان کے ریکارڈ چھٹے انڈین ویلز خطاب سے محروم کرتے ہوئے کیریئر میں پہلی بار اے ٹی پی ماسٹرز 1000 خطاب اپنے نام کر لیا ہے ۔تھیم نے فیڈرر کو مرد سنگلز فائنل میں 3-6، 6-3، 7-5 سے شکست دی۔ 25 سال کے آسٹرین کھلاڑی اور دنیا میں آٹھویں رینک تھیم کو اس سے پہلے ماسٹرز فائنل میں ہی دو بار فیڈرر سے شکست کا سامنا کرنا پڑا تھا، لیکن کیریئر کے کل پانچویں مقابلہ میں انہیں تیسری بار سوئس کھلاڑی پر جیت حاصل ہوئی۔ ہارڈ کورٹ پر یہ آسٹریائي کھلاڑی کی سوئس ماسٹر کے خلاف پہلی فتح ہے ۔تھیم کو میچ کے فائنل سیٹ کے 11 ویں گیم میں مفید بریک پوائنٹس حاصل ہوا جسے انھوں نے اپنے بہترین فورہینڈ ونر کے ساتھ بھنا لیا۔ انہوں نے دو گھنٹے دو منٹ میں جاکر میچ اپنے نام کیا جب فیڈرر کا فورہینڈ نیٹ میں پھنس گیا۔ آسٹریائي کھلاڑی کے لئے یہ نہ صرف ان کے کیریئر کا پہلا ماسٹرز 1000 جیت ہے بلکہ اس بدولت وہ اب کیریئر کی بہترین چوتھی رینکنگ پر بھی پہنچ جائیں گے ۔یہ مسلسل دوسرا سال ہے جب فیڈرر کو انڈین ویلز فائنل میں شکست کھانی پڑی ہے ۔ سال 2018 میں وہ ارجنٹائن کے جوآن مارٹن ڈیل پوترو سے شکست کھا کر تین چمپئن شپ پوائنٹس گنوا بیٹھے تھے ۔دبئی میں حال ہی میں کیریئر کا ریکارڈ 100 واں ٹائٹل جیتنے والے سوئس ماسٹر اب انڈین ویلز میں پانچ بار خطاب جیتنے کی صورت میں سربیا کے نوواک جوکووچ کے برابر ہی ہیں۔ رنر اپ فیڈرر کو اگرچہ اے ٹی پی رینکنگ میں فائدہ پہنچا ہے اور وہ پانچویں مقام پر پہنچ جائیں گے ۔ریکارڈ 24 بار کے گرینڈ سلیم چمپئن کھلاڑی کی خطابی مقابلے میں کارکردگی تسلی بخش نہیں رہی اور وہ 11 میں سے دو بار ہی بریک پوائنٹس بنا سکے جبکہ تھیم کے 25 کے مقابلے میں انہوں نے 32 بے جا بھولیں کیں۔ اگرچہ فیڈرر کا آغاز اچھا رہا اور انہوں نے پہلے سروس گیم پر ہی تھیم کی سروس بریک کر دی اور اوپننگ سیٹ میں چوتھے بریک پوائنٹس پر 2-0 کی برتری حاصل کرلی۔اپنے بہترین بیک ہینڈ ریٹرن کے ساتھ انہوں نے 5-3 کی برتری بنائی اور پہلا سیٹ 36 منٹ میں ختم کر 1-0 کی برتری حاصل کرلی۔ اگرچہ پھر وہ تال بھٹک گئے اور دوسرے سیٹ میں خراب سروس گیم سے تھیم نے آغاز میں ہی فیڈرر کی سروس بریک کر دی اور آسٹریائي کھلاڑی نے کھیل کو فیصلہ کن سیٹ میں پہنچا دیا۔تھیم نے فائنل سیٹ میں شروعاتي بریک پوائنٹس حاصل کیا اور تین گیم بعد فیڈرر کی سروس بریک کر دی۔ انہوں نے پہلے سروس پوائنٹ پر 70 فیصد پوائنٹس جیتے اور فیڈرر کی واپسی نیٹ میں پھنستے ہی اپنی جیت کا جشن منایا۔ سوئس کھلاڑی نے جیت کے بعد کہاکہ مجھے لگتا ہے کہ فیڈرر کو مبارکباد دینے کا حق میرے پاس نہیں ہے کیونکہ ان کے پاس مجھ سے 88 خطابات زیادہ ہیں ۔سال 1997 میں میامی میں تھامس ایم آر کے بعد تھیم پہلے آسٹریائي کھلاڑی ہیں جنہوں نے ماسٹرز 1000 ٹائٹل جیت لیا ہے ۔ فیڈرر نے بھی انہیں اس جیت کے لئے مبارک باد دی۔ انہوں نے کہاکہ میرے لئے یہ ہفتہ بہت اچھا رہا ہے لیکن فائنل میں پوزیشن میرے حساب سے نہیں رہی۔ ڈومنیکن کو مبارکباد۔ آپ اس جیت کے حقدار ہو۔
Tags:

المزيد من القصص

پٹنائک کاغذ کی مدد کے بغیر اوڈیشہ کے اضلاع کے نام بتائیں: مودی

11 مئی, 2024 edit.kkb

کانگریس۔ سپا کا کردار رام اور ملک مخالف کا:یوگی

7 مئی, 2024 edit.kkb

کانگریس چھوڑنے والے لیڈر کا انکشاف ‘شہزادے ’ کا ارادہ رام مندر پر سپریم کورٹ کےفیصلہ کو بدلنے کا: مودی

7 مئی, 2024 edit.kkb

ربما فاتك

ہم ہندوستان میں سات کروڑ گھر بنا رہے ہیں: مودی

16 ستمبر, 2024 edit.kkb

پٹنائک کاغذ کی مدد کے بغیر اوڈیشہ کے اضلاع کے نام بتائیں: مودی

11 مئی, 2024 edit.kkb

کانگریس۔ سپا کا کردار رام اور ملک مخالف کا:یوگی

7 مئی, 2024 edit.kkb

کانگریس چھوڑنے والے لیڈر کا انکشاف ‘شہزادے ’ کا ارادہ رام مندر پر سپریم کورٹ کےفیصلہ کو بدلنے کا: مودی

7 مئی, 2024 edit.kkb