مہاگٹھبندھن مضبوط ہے اور مانجھی کے تعلق سے کوئی تنازعہ نہیں
پٹنہ۔ کانگریس کے قومی سکریٹری اور پارٹی کے بہار امور کے انچارج وریندر سنگھ راٹھورنے مہاگٹھبندھن کی اتحادی جماعتوں میں سیٹوں کے تعلق سے چل رہی کھینچ تان کے درمیان آج دعوی کیا کہ ریاست میں کانگریس11پارلیمانی سیٹوں پر لوک سبھا انتخابات لڑے گی۔
مسٹر راٹھوڑ نے یہاں پارٹی کی ملن تقریب میں نامہ نگاروں سے بات چیت کرتے ہوئے کہا کہ مہاگٹھبندھن کی اتحادی جماعتوں کے مابین سیٹوں کی تقسیم کے تعلق سے بات چیت پوری ہوگئی ہے۔
انہوں نے بتایا کہ جلد ہی مشترکہ طورپر مہاگٹھبندھن کی اتؑ حادی جماعتوں کے درمیان سیٹوں کے بنٹوارے کے تعلق سے اعلان کیا جائے گا۔
کانگریس سکریٹری نے ہندستانی عوامی مورچہ (ہم) کے صدر جیتن رام مانجھی کے تعلق سے مہاگٹھبندھن میں تنازعہ کے سوال پر کہا کہ مہاگٹھبندھن مضبوط ہے اور مانجھی کے تعلق سے کوئی تنازعہ نہیں ہے۔
اس موقع پر کانگریس کے ریاستی صدر ڈاکٹر مدن موہن جھا ، کانگریس کے ریاستی کارگزار صدر شیام سندر سنگھ دھیرج اور رکن اسمبلی ڈاکٹر اشوک کمار سمیت دیگر لیڈر موجود تھے۔ ملن تقریب میں لوک جن شکتی پارٹی کے لیڈر ہیرا سنگھ اپنے حامیوں کے ساتھ کانگریس میں شامل ہوئے۔
المزيد من القصص
ہم ہندوستان میں سات کروڑ گھر بنا رہے ہیں: مودی
پٹنائک کاغذ کی مدد کے بغیر اوڈیشہ کے اضلاع کے نام بتائیں: مودی
کانگریس۔ سپا کا کردار رام اور ملک مخالف کا:یوگی