بالی ووڈ اداکارہ سشمتا سین نے 15 سال چھوٹے بوائے فرینڈ سے کی منگنی

ممبئی۔بالی ووڈ اداکارہ سشمتا سین نے انسٹاگرام پر ایک تصویر شیئر کی ہے ۔ اس تصویر کے سوشل میڈیا پر آنے کے بعد سے ان کی منگنی کی قیاس آرائی کی جارہی ہے۔ دراصل اس تصویر میں سشمتا سین اپنے بوائے فرینڈ روہمن کے ساتھ نظر آرہی ہیں اور ان کی انگلی میں ایک شاندار انگوٹھی نظر آرہی ہے ۔ اسی وجہ سے منگنی کی قیاس آرائی کو ہوا مل رہی ہے۔سشمتا سین نے اپنی اس تصویر کے ساتھ ایک لکھا "کسی کو بلا شرط پیار کرنا اس لئے مشکل ہے ، کیونکہ ہمیں شرطیں طے کرنے کی عادت ہے ۔ دل کو فالو کرنا مشکل ہے ، کیونکہ دماغ ہمیشہ اس پر حاوی ہوجاتا ہے ۔

دماغ جہاں شرطوں پر دھیان دیتا ہے ، وہیں دل بھروسہ کو پیدا کرتا ہے۔ ایسے میں پیار کسی بونس کی طرح ہے” ۔بالی ووڈ اداکارہ سشمتا سین نے 15 سال چھوٹے بوائے فرینڈ سے کی منگنی ؟ وائرل ہوئی یہ رومانٹک تصویرسمشتا سین نے مزید لکھا ـ” تو دوستی ، پیار ، عزت، اعتماد ، ساتھ اور دل کی سننے کیلئے میں کسی شرط کے بغیر آپ کی ہوں روہمن شال ۔ آئی لو یو گائز "۔ سشمتا سین کا یہ رومانٹک کیپشن بھی اس طرف اشارہ کررہا ہے کہ ضرور سشمتا سین نے اپنی زندگی میں کوئی خاص قدم اٹھایا ہے ، لیکن فی الحال وہ اس بارے میں کھل کر بات نہیں کررہی ہیں ۔