اسپین میں ہاکی ٹورنامنٹ کے لئے ہندوستانی ٹیم کا اعلان

نئی دہلی ۔ (یو این آئی) اسپین میں 25جولائی سے شروع ہونے والے چار ملکوں کے ہاکی ٹورنامٹ کے لئے کپتان ہرمن پریت سنگھ ٹیم کی قیادت میں 24رکنی ہندوستانی ہاکی ٹیم کا اعلان کر دیا گیا ہے ۔ تجربہ کار مڈڈیفالٹر ہاردک سنگھ نائب کپتان ہوں گے ۔ہاکی انڈیا نے جمعہ کو 24رکنی ہندوستانی مردانہ ہاکی ٹیم کا اعلان کیا جو 25سے 30جولائی تک ٹیراسا ، اسپین میں منعقد ہونے والے ٹورنامنٹ میں حصہ لیں گے ۔ ہندوستان چار ملکوں کے ٹورنامنٹ میں انگلینڈ ، نیدرلینڈ اور میزبان اسپین کے خلاف کھیلے گا جو ہیرو ایشین چمپئن شپ چنئی2023سے پہلے ہندوستانی ٹیم کے لئے تیاری پروگرام کے طور پر کام کرے گا۔ ٹیم کی قیادت ٹاپ ڈریگ فلکر اور ڈیفینڈر ہرمن پریت سنگھ کریں گے اوت نائب کپتان شاندار مڈ فیلڈر ہاردک سنگھ کریں گے ۔

گول کیپر کی ذمہ داری راجیش پرٹو رویندرن ، اور کرشن بہادر پاٹھک کی شاندار جوڑی کو سونپی جائے گی ، جب کہ دفاعی فہرست میں ہرمن پریت سنگھ ، امت روہیداس، جرمن پریت سنگھ ، من پریت سنگھ ، سنجے شامل ہیں۔ اس کے علاوہ ، بیلجیم میں ایف آئی ایچ پرو لیگ میچوں میں چوکنے والے ڈیفینڈر ورون کمار اور نیلم سنجیو جینس کو ٹیم میں رکھا گیا ہے ۔دریں اثنائمڈ فیلڈ کا کنٹرول ہاردک سنگھ ، ویویک ساگر پرساد، شمشیر سنگھ ، راج کمار پال جیسے تواناں اورمتحرک کھلاڑیوں کے ذریعے کیا جائے گا۔اس کے علاوہ ، بیلجیم میں ایف آئی ایچ پرو لیگ میچ مس کرنے کے بعد سمیت اور نیل کنٹھ شرما ٹیم میں واپس آ گئے ہیں۔فارورڈ لائن میں للت کمار اوپادھیائے ، مندیپ سنگھ ، گرجنت سنگھ ، سکھجیت سنگھ ، ابھیشیک ، پون ، دل پریت سنگھ ، سمرن جیت سنگھ اور کارتھی سیلوم کی مہلک جارحانہ صلاحیت شامل ہے ۔ ٹیم کے منتخب ہونے پر بولتے ہوئے ، اہم کوچ کریگ فلٹن نے کہا ،ہم نے احتیاط سے ایک متواز ن ٹیم منتخب کی ہے جو یوتھ توانائی کو ایک ساتھ لاتی ہے ۔ ہمارا مقصد متحد اکائی بنانا ہے جو اعلی سطح کی کارکردگی کر سکے ۔انہوں نے کہااسپین میں چار ممالک کا ٹورنامنٹ ہمیں اپنی پالیسیوں کو بہتر بنانے اور اعلی معیار والے مخالفین کے خلاف اپنے ہنر کا ٹیسٹ کرنے کے لئے صحیح پلیٹ فارم فراہم کرے گا۔ یہ ہمیں ان شعبے کی شناخت کرنے میں مدد کرے گا جس میں تبدیلی کی ضرورت ہے ، اس طرح یہ ایشیائی چمپئنس ٹرافی اور ایشیائی کھیل کے لئے ہماری تیاریوں میں اہم کردار ادا کریں گے ۔