پی ایم او کی شکایت پر کمیشن کی کارروائی
نئی دہلی۔ مودی کے ہیلی کاپٹر کی تلاشی لینے پر آئی اے ایس افسر محسن کو معطل کر دیا گیا۔ معطل اڑیسہ کے سمبل پور میں وزیر اعظم نریندر مودی کے ہیلی کاپٹر کی مبینہ طور پر جانچ کرنے کے لیے الیکشن کمیشن نے اڑیسہ کے جنرل آبزرور کو بدھ کو برخاست کر دیا۔کمیشن کی طرف سے جاری حکم کے مطابق کرناٹک کیڈر کے 1996 بیچ کے آئی اے ایس افسر محمد محسن نےایس پی جی سکیورٹی سے جڑے الیکشن کمیشن کی ہدایت پر عمل نہیں کیا۔
ضلع کلکٹر اور ڈائریکٹر جنرل آف پولیس کی رپورٹ کی بنیاد پر کمیشن نے سمبل پور کے جنرل آبزرورکو واقعہ کے ایک دن بعد برخاست کر دیا گیا۔یہ واقعہ 16 اپریل کا ہے۔ ایک سینئر افسر نے بتایا کہ سمبل پور میں وزیر اعظم کے ہیلی کاپٹر کی جانچ کرنا الیکشن کمیشن کی ہدایات کے تحت نہیں تھا۔ ایس پی جی سکیورٹی ملے لوگوں کو ایسی جانچ سے چھوٹ حاصل ہوتی ہے۔
خبرکے مطابق اڑیسہ کے ایک سینئر افسر نے بتایا،’ وزیر اعظم مودی نے ایک انتخابی ریلی کو خطاب کرنا شروع کیا تھا۔ اسی دوران محسن ہیلی کاپٹر کے پاس تعینات ایس پی جی کے پاس پہنچے اور ہیلی کاپٹر کی تلاشی لینے کی بات کہی۔اس پر ایس پی جی نے ان سے تلاشی کے لیے ضروری کاغذات دکھانے کو کہا۔
اس کے بعد ان کو تلاشی کی اجازت تو دے دی گئی لیکن اس سے وزیر اعظم کو 20 منٹ کی تاخیر ہو گئی۔’
رپورٹ کے مطابق محسن اس وقت کرناٹک کے بیک ورڈ کلاس ویلفیئر ڈپارٹمنٹ میں سکریٹری ہیں۔ الیکشن کمیشن کی ویب سائٹ کے مطابق؛ ان کو سمبل پور لوک سبھا حلقہ کے تحت آنے والے 3 اسملی حلقوں -کچندا، رینگالی،سمبل پور اور ریرا کھول کے لیے جنرل آبزرور مقرر کیا گیا ہے۔
الیکشن کمیشن کی طرف سے جاری حکم کے مطابق؛ محسن کو برخاست کرنے کا حکم چیف الیکشن کمشنر(اڑیسہ)، ڈسٹرک الیکٹورل آفیسر(سمبل پور)اور ڈی آئی جی (سمبل پور)کی طرف سے دی گئی رپورٹ کی بنیاد پر دیا گیا۔
المزيد من القصص
ہم ہندوستان میں سات کروڑ گھر بنا رہے ہیں: مودی
پٹنائک کاغذ کی مدد کے بغیر اوڈیشہ کے اضلاع کے نام بتائیں: مودی
کانگریس۔ سپا کا کردار رام اور ملک مخالف کا:یوگی