معاشی شعبہ میں مودی حکومت کی ایک اور بڑی ناکامی اجاگر

سرکاری خزانے کو2 لاکھ کروڑکانقصان

نئی دہلی(ایجنسی ) ملک کے سرکاری خزانےکا نقصان فروری 2019 کے آخر تک پورے سال کے ترمیم شدہ بجٹ اندازے کے 134.2فیصد پر پہنچ گیا ہے۔ جمعہ کو جاری سرکاری اعداد و شمار کے مطابق، سرکاری خزانےکا نقصان بڑھنے کی اہم وجہ ریونیو جمع کا اضافہ کم رہنا رہا۔کنٹرولر جنرل آف اکاؤنٹس (سی جی اے) کے اعداد و شمار کے مطابق، اپریل-فروری،19-2018 میں سرکاری خزانےکا نقصان 8.51 لاکھ کروڑ روپے رہا ہے جو پورے سال کے لئے ترمیم شدہ بجٹ اندازہ 6.34 لاکھ کروڑ روپے سے 134.2 فیصد زیادہ ہے۔
حالانکہ، اقتصادی معاملوں کے سکریٹری ایس سی گرگ نے صحافیوں سے کہا کہ حکومت سرکاری خزانےکے نقصان کو جی ڈی پی کے 3.4 فیصد پر محدود رکھنے کو پرعزم ہے۔اعداد و شمار کے مطابق، مرکزی حکومت کا ریونیو حصولیابی 12.65 لاکھ کروڑ رہیں جو ترمیم شدہ بجٹ اندازے کا 73.2 فیصد ہیں۔ اس سے پچھلے مالی سال کی یکساں مدت میں ریونیو حصولیابی بجٹ اندازے کا 78.2 فیصد تھا۔
حکومت کا ٹیکس ریونیو 10.94 لاکھ کروڑ روپے اور غیرٹیکس ریونیو 1.7 لاکھ کروڑ روپے رہا۔ اپریل-فروری، 19-2018 کی مدت میں حکومت کا کل خرچ 21.88 لاکھ کروڑ روپے (بجٹ اندازے کا 89.08 فیصد) رہا۔ اس میں سے 19.15 لاکھ کروڑ روپے ریونیو اکاؤنٹ کا 2.73 لاکھ کروڑ روپے سرمایہ اکاؤنٹ کا تھا۔اس بیچ وزارت خزانہ نے بیان میں کہا کہ فروری تک مرکزی حکومت نے ریاستوں کو ٹیکس میں ان کے حصے کے تحت 5.96 لاکھ کروڑ روپے منتقل کئے۔ یہ 18-2017 کی یکساں مدت سے 67043 کروڑ روپے زیادہ ہے۔ملک کے غیر ملکی کرنسی زخیرے میں لگاتار تیسرے ہفتہ تیزی جاری رہی۔ ریزرو بینک کے اعداد و شمار کے مطابق غیر ملکی کرنسی زخیرہ 22 مارچ کو اختتامیہ ہفتے میں 1.02 ارب ڈالر بڑھ کر 406.66 ارب ڈالر ہو گیا۔غیر ملکی کرنسی جائیدادوں میں بھاری اضافہ ہونے کی وجہ سے یہ اضافہ ممکن ہوا ہے۔ اس سے پچھلے ہفتہ غیر ملکی کرنسی زخیرہ 3.6 ارب ڈالر بڑھ‌کر 405.6 ارب ڈالر رہا تھا۔ریزرو بینک نے کہا کہ زیرغور ہفتے میں، غیر ملکی کرنسی زخیرے کا اہم حصہ یعنی غیر ملکی کرنسی اثاثہ 1.03 ارب ڈالر بڑھ‌کر 378.805 ارب ڈالر ہو گیا۔ملک کا غیر ملکی کرنسی زخیرہ اس سے پہلے 13 اپریل، 2018 کو اختتامیہ ہفتے میں 426.02 ارب ڈالر کی ریکارڈ اونچی سطح پر پہنچ گیا تھا۔ لیکن اس کے بعد سے اس میں کافی گراوٹ آئی ہے۔مرکزی بینک نے کہا کہ زیرغور ہفتے میں ملک کا ریزرو سونا زخیرہ 23.40 ارب ڈالر پر غیرتبدیل شدہ رہا۔ہفتے کے دوران انٹرنیشنل مانیٹری فنڈ (آئی ایم ایف) کے پاس محفوظ خصوصی نکاسی حق سات لاکھ ڈالر گھٹ کر 1.46 ارب ڈالر رہ گیا۔ مرکزی بینک نے کہا کہ آئی ایم ایف میں ملک کا ریزرو زخیرہ بھی 15 لاکھ ڈالر گھٹ کر 2.99 ارب ڈالر رہ گیا۔